憑無綫劇《愛．回家》角色Pinky成功彈起的藝人阮兒（Chole），擁有33.5C身材兼中越混血獨有優勢，成為今期《東網Baby》「夏日心動」系列女主角，並大談作為巨蟹女的愛情觀。自言不愛靚仔的她視「脂肪男」為理想對象：「男仔肥肥哋、得意可愛會可能啱我多啲，不過太肥又唔健康，因為我自己都鍾意做運動。」

Chole直言林盛斌（Bob）符合其心水條件：「我覺得佢好搞笑，好氹到女仔開心。」更希望未來男友可以似他有上進心，謝絕頹廢。雖然她現時弗到漏油，卻自爆曾經重達130磅，全靠搏命做運動搣甩baby fat，她說：「香港啲嘢太好食，我自制能力又太差，但好快有人話我知太肥，所以努力跑步、健身、游水同跳舞。」