屢遇花心漢 彭慧中把心一橫專吼靚仔
無綫藝員彭慧中(Phoebe)擁有可愛笑容及火辣身材,近一年主力主持下午婦女節目《都市閒情》,拍劇機會不多,但仍無阻網友「慧眼搵索女」,Phoebe一套貼身衫一襲短裙已令網友看得心癢癢。節目內Phoebe細心教授觀眾生活常識,獲讚「Girlfriend-able」,呢種「入得廚房、玩得夠放」嘅多層次形象,令佢喺網上成為熱門討論索女!

自認小矮人
Phoebe擁有33C上圍配22吋纖腰,當年選港姐時已獲封為「導彈佳麗」,現時身形更愈來愈Fit!她直言有留意網友評論,最驚訝是獲讚有長腿:「我由細到大都畀人話矮,好多朋友都高我一個頭,係小矮人一族嚟架!」問到最滿意的身體部分,她的答案是「上半身」,她解釋說:「因為我個頭比較細,好多人羨慕我,話上鏡好睇啲,但頭細都唔好,好多帽唔啱戴。(點睇大家讚你上圍豐滿?)其實我唔覺得,可能我骨架細,先顯得勁少少。(樂於做咪神?)人哋點講我冇咩所謂,但唔希望大家只注重我身材,自己唔想掛喺口邊。」

講身材怕醜面紅
Phoebe又表示很羨慕外國Victoria's Secret的索模擁有結實身形,自己則腹部及大髀均尚有改善空間。雖然在外國生活多年屬鬼妹仔性格,但她講到身材話題即面紅紅,並自認感到怕醜,相當可愛!

揀偶條件勁高
雙眼夠晒電力的Phoebe,異性緣當然旺盛,但女神愛情路並不平坦,更屢遇花心漢。她笑言向來不重視男方外表,舊愛的身形更「高矮肥瘦」樣樣齊,只是一樣花心,令她Hurt爆,現在更把心一橫只揀靚仔!她笑說:「既然唔靚仔都花心,不如揀個靚仔啦!(要似邊個?)彭于晏咁丫!又大隻又陽光!我比較欣賞好動活力嘅男仔,唔鍾意匿喺屋企打機嘅宅男,仲要有上進心、專一同埋氹到我笑,而且我個人比較被動,希望對方主動啲帶住我做唔同嘅活動。」

事業方面,Phoebe表示做《都》主持已有一年時間,學到不少臨場執生技巧,之後亦希望繼續做各種Live騷。問到會否想拍劇?她直言:「當然想!咩劇都想嘗試,依家只好等機會。」

Profile
彭慧中(Phoebe)
年齡:26歲
身高:1米60
體重:44kg
三圍:33C、22、34
簡歷:無綫藝員,2010年參選港姐時已獲封「咪神」,多年來以主持工作為主,近一年主持婦女節目《都市閒情》,憑甜美笑容及Fit爆身材吸引大批後生仔追捧,被封為新一代少男網絡女神!